BYD CLTC sikli boʻyicha 1 000 km dan ortiq yurish masofasiga ega ilk hashamatli elektr yoʻltanlamasi uchun oldindan buyurtmalarni qabul qila boshladi
Besh oʻrinli Denza N8 130,15 va 105,79 kVt·soat sigʻimli batareyalar bilan jihozlangan; modelning Xitoydagi rasmiy taqdimoti noyabr oyiga belgilangan.
Xitoyda BYDʼning premium markasiga mansub besh oʻrinli elektr yoʻltanlamasi — Denza N8 uchun oldindan buyurtmalarni qabul qilish boshlandi. Model orqa yoki toʻliq yuritmali versiyalarda taqdim etiladi, uning CLTC sikli boʻyicha yurish masofasi esa 1 003 km ga yetadi.
Jihozlar qatoridan katta multimedia ekrani, proyeksion displey, «nol gravitatsiyasi» rejimiga ega oʻrindiqlar hamda tomga oʻrnatilgan lazerli lidar oʻrin olgan. Avtomobilning elektron tizimlari uchun Godʼs Eye 5.0 haydovchiga yordam berish kompleksi va DiSus-A adaptiv pnevmatik osma tizimi masʼul.
Denza N8 narxi hozircha eʼlon qilinmagan. Moʻljal sifatida uzunroq, olti oʻrinli Denza N8L versiyasining narxidan foydalanish mumkin: uning narxi 299 800 yuandan boshlanadi. Shu sababli standart N8, ehtimol, arzonroq boʻladi.
