Yangi Honda yoʻltanlamasi yangi dizayn va yangi avlod gibrid texnologiyalarini oladi

Tizerda gorizontal va vertikal LED elementlariga ega tor orqa chiroqlar, yangi Honda logotipi va Avancier yozuvi koʻrinadi. Model shuningdek, tomga integratsiyalangan spoyler, relyefli yon tomonlar va ketma-ket yonadigan ingichka faralarni oladi.

Yangi Avancier Honda qatorida CR-V dan yuqoriroq joylashadi. Dastlabki maʼlumotlarga koʻra, salonda yetti oʻrin boʻladi, undagi joy va amaliylik Hondaʼning kichikroq krossoveriga qaraganda yuqoriroq boʻladi.

Asosiy texnik oʻzgarish e:HEV nomlanishidan Honda Hybrid nomlanishiga oʻtish boʻladi. Honda hozircha tizim xususiyatlarini oshkor qilmadi, biroq u Avancierʼda 2027 yilda debyut qilishi kutilmoqda. Gibrid qurilma avvalgi tizimga nisbatan tejamkorlikni 10 foizdan koʻproqqa oshirishi va ishlab chiqarish xarajatlarini 30 foizga kamaytirishi mumkin. Taxminlarga koʻra, uning asosi hajmi 2,0 litr boʻlgan yangilangan toʻrt silindrli dvigatel boʻladi.

Avancierʼning uchinchi avlodini ishlab chiqarish, kutilishicha, Tailandda yoʻlga qoʻyiladi. Modelni Avstraliyadan tashqari Yaponiyada ham taklif qilishlari mumkin. Uning ehtimoliy raqiblari qatorida Hyundai Santa Fe, Kia Sorento, Toyota Kruger (Highlander), Mazda CX-80, VW Tayron va BYD Sealion 8 tilga olingan.