Audi sensorli ekranlar chegaraga yetganini aytmoqda: tugmalar qaytadi
Audi of America katta vitse-prezidenti Filip Brabets avtomobillardagi sensorli ekranlar chegaraga yetganini, fizik boshqaruvlar esa qaytishini aytmoqda.
Audi salonlarda fizik boshqaruv vositalaridan foydalanishni kengaytirmoqchi. Brabetsning aytishicha, kompaniya barcha funksiyalarni sensorli ekranga yashirish oʻrniga tugmalar, kalitlar va aylantirgichlar joylashuvi tushunarliroq boʻlgan yechimlarga qaytadi.
Uning soʻzlariga koʻra, ekranlarning keng tarqalishiga Xitoy va elektromobillar taʼsir koʻrsatgan. Shu bilan birga, Audi of America global modellar boʻyicha qarorlarni har doim ham mustaqil belgilay olmaydi: koʻp narsa avtomobil sotiladigan bozorga bogʻliq.
Yangi yondashuvning ilk elementlaridan biri ruldagi aylantirgichlar boʻlishi mumkin. Audi, shuningdek, iqlim tizimi uchun ayrim tugmalarni, eshiklardagi fizik boshqaruv elementlarini va boshqa boshqaruv vositalarini qaytarishni koʻrib chiqmoqda. Bu tamoyillar Q7 va Q9 modellarida allaqachon sinab koʻrilmoqda, yaqin kelajakda esa ularni mavjud interyerlarda ham qoʻllash rejalashtirilmoqda.
Brabets bu oʻzgarishlarni Radical Next dizayn yoʻnalishi va yangi Interior Next falsafasi bilan bogʻladi. Uning soʻzlariga koʻra, texnologiyalar haydovchiga deyarli sezilmasligi va ortiqcha murakkabliksiz kerakli joyda ishlashi kerak.
Audi yangi yechimlarga oʻtishning aniq muddatlari va oʻzgarishlar taalluqli boʻladigan modellar toʻliq roʻyxatini maʼlum qilmadi.
Yana oʻqing
Rimac elektr giperkari kutilganidan oldinroq oʻz faoliyatini toʻxtatdi
Yangi modellar12:56
8 silindr, 8,3 litr — 2027-yilgi Chevrolet Silverado HD katta quvvat oldi
Yangi modellar12:09