BYD uchinchi avlod elektr Tang uchun oldindan buyurtmalarni qabul qila boshladi
BYD Xitoyda besh oʻrinli elektr Tang modelining oldindan sotuvini boshladi. Uchta versiyaning narxi 33 700 dollardan 39 000 dollargacha, yurish zaxirasi esa CLTC boʻyicha 850 km gacha yetadi.
Oldindan buyurtmalar boshlanganini Dynasty liniyasi savdo boʻyicha bosh menejeri Lu Tian maʼlum qildi. Avtomobillar allaqachon Xitoydagi Dynasty dilerlik markazlariga yuborilmoqda.
Tangʻning uchinchi avlodi uchta komplektatsiyada taqdim etiladi. Ularning oldindan belgilangan narxlari 33 700, 36 000 va 39 000 dollarni tashkil etadi. Model Tang oilasining yangilanishi doirasidan oʻrin oldi va yetti oʻrinli Da Tang ham kiradigan flagman SUV liniyasini toʻldirdi.
Avtomobil ikkinchi avlod Blade Battery akkumulyatori va tezkor quvvatlash texnologiyasiga ega boʻldi. Oddiy haroratda batareyani 10 foizdan 70 foizgacha taxminan besh daqiqada, 97 foizgacha esa taxminan toʻqqiz daqiqada quvvatlash mumkin. Versiyaning yurish zaxirasi CLTC sikli boʻyicha 850 km gacha yetadi.
Salon 30 dyuymli panoramali ekran va diagonali 35,4 dyuym boʻlgan integratsiyalashgan displey bilan jihozlangan. Shuningdek, ovozli boshqaruv, sozlanadigan kartochkalar va sunʼiy intellekt interfeysi ham mavjud. Barcha versiyalarning standart jihozlariga Godʼs Eye B haydovchiga yordam berish tizimi kiradi.
Tang uchun DiSus-A intellektual pnevmatik osmasi, elektr toʻliq yuritma va iTAC burovchi momentni boshqarish tizimi eʼlon qilingan. Biroq ayrim jihozlarning mavjudligi muayyan komplektatsiyaga bogʻliq.
Yana oʻqing
Xabarlarga koʻra, Rimac Nevera ishlab chiqarishini atigi 71 ta avtomobil bilan yakunlaydi
Elektro va gibridlar13:32
Audi «Gelendvagen»ga raqobatchi ustida ishlamoqda: ilk suratlar
Elektro va gibridlar13:29